BENVIDA

Chámome Xavier Vieites, son profesor de Artes Marciais fai xa 30 anos. Dende un tempo atrás, seis anos apróximadamente,  comecei a viaxar a Inglaterra a estudar outras formas de entender e progresar no meu propio camiño. Alí coñecín ao mestre Dan Harden  e atopei aquilo que andaba a buscar como practicante de estilos internos. Cal era o camiño para estudar a forma interna de aquelo todo que eu estaba anos e anos entrenando? Dan  foi a resposta. 

Através dos seus  cursos e un estudo personal aplicado ao meu propio estilo fun dando coas vigas mestras que sostiñan toda unha forma de traballar que para min era totalmente nova e dotaba de sentido a todo o aprendido anteriormente.

Co nome de "Arquitectura interna do movemento" trato de englobar unha actividade que vai máis alá do meramente marcial e que como puiden ir comprobando con algúns dos  alumnos que acuden aos meus talleres, e están formados noutras disciplinas; artes escénicas, expresión corporal, terapias manuais e da saude en xeral, poden ser perfectamente desarrolladas en distintas liñas de traballo, sendo ao meu parecer unha fermosa ferramenta que hoxe en día podemos utilizar forá do hermetismo oriental ao que estamos acostumados.

A "Arquitectura interna do movemento" proporciona ao corpo unha estructura óptima, equilibrada e consciente. Transformándonos día a día ata integrala na nosa vida có aporte dun maior benestar e lonxevidade funcional.